Տեղահան են արել վճարային տերմինալն ու փորձել հափշտակել. երկու երևանցիներ բռնվել են իրենց «սև գործն» անելու պահին (ՎԻԴԵՈ)
21:48
03 Ապրիլի 2020
ԵՐԵՎԱՆ, 3 ապրիլի./Նովոստի–Արմենիա/. Ապրիլի լույս 2-ի գիշերը Աջափնյակ վարչական շրջանը սպասարկող պարեկային ոստիկանները, գողություն կատարելու կասկածանքով, Հալաբյան փողոցից ոստիկանության Մաշտոցի բաժին բերման ենթարկեցին Երևանի բնակիչներ` 36 և 41-ամյա տղամարդկանց, հաղորդում է ՀՀ ոստիկանության մամուլի ծառայությունը։
Загружается новость ... "Лево"
Դեպքի վայր մեկնած բաժնի օպերատիվ խումբը պարզեց, որ բերման ենթարկվածները տեղահան են արել Հալաբյան փողոցի վճարային տերմինալներից մեկն ու փորձել հափշտակել, սակայն բռնվել են ոստիկանության ծառայողների կողմից։
Բաժնում պարզվել է, որ բերման ենթարկվածներից 36-ամյա տղամարդը մարտի լույս 28-ի գիշերը ևս փորձել է տերմինալից գողություն անել, սակայն ինչ-ինչ պատճառներով հանցագործությունն ավարտին չի հասցրել։Այս դեպքում թիրախը Մարգարյան փողոցի տերմինալներից էր։
«Պարզվել է նաև, որ նա Ռուսաստանի Դաշնության իրավապահների կողմից 2016 թվականից հետախուզվում է դիտավորությամբ առողջությանը ծանր վնաս պատճառելու մեղադրանքով։ Տղամարդիկ ոստիկանությունից ներկայացվել են տարածքային քննչական բաժին։ Դեպքերի հանգամանքները քննությամբ պարզվում են», – նշվում է գերատեսչության հաղորդագրության մեջ։–0–