ԵՐԵՎԱՆ, 22 օգոստոսի./Նովոստի-Արմենիա/. Տավուշի մարզի Խաշթառակ գյուղում դանաորեն ծեծված երեխաները մինչ օրս վերակենդանացման բաժանմունքում են, նրանցից մեկի կյանքին վտանգ է սպառնում:
Загружается новость ... "Лево"
ՔԿ-ի հաղորդմամբ, երեխաների պապը, իր անդորրը խանգարելու պատճառով ձեռքերով, ոտքերով փայտով բազմաթիվ վնասվածքներ հասցրել թոռանը և ևս երկու փոքրիկները: Քրեական գործ է հարուցվել, իսկ 58-ամյա պապը ձերբակալված է, հարուցվել է քրգործ: Իսկ նախօրեին հայտնի է դարձել դեպքի վերաբերյալ նոր հանգամանքներ, պարզվել է որ երկու երեխաների հորաքույրը, ով նաև ձերբակալվածի դուստրն է և ունի 5 երեխա, նույնպես ձերբակալվել է: Պարզվել է, որ 28-ամյա կինը նույնպես պարբերաբար, դիտավորությամբ ձեռքերով, ոտքերով, փայտով և այլ առարկաներով բազմաթիվ հարվածներ է հասցրել իր 5 անչափահաս երեխաների, ինչպես նաև՝ համատեղ բնակվող եղբոր 2 անչափահաս որդիների մարմնի տարբեր մասերին՝ վերջիններիս պատճառելով ֆիզիկական ուժեղ ցավ և հոգեկան ուժեղ տառապանք:
Ինչպես հայտնել է «Սուրբ Աստվածամայր» ԲԿ-ի մամուլի խոսնակ, Գևորգ Դերձյանը, Տավուշի մարզում դաժանորեն ծեծված 6-ամյա երեխայի վիճակը շարունակում է մնալ ծայրահեղ ծանր, նրա կյանքին դեռեւս վտանգ է սպառնում: «Սուրբ Աստվածամայր» ԲԿ-ի բժիշկները շարունակում են պայքարել փոքրիկի կյանքի համար:
«Ընտանիքի մյուս 5 երեխաները, որոնք նախօրեին նախնական սուր էկզոգեն թունավորմամբ տեղափոխվել էին Երևանի «Մուրացան» բժշկական կենտրոն գտնվում են կայուն վիճակում, ոչ մեկի կյանքին վտանգ չի սպառնում»,- նշել է Դերձյանն իր Facebook-յան էջում:
Նախօրեին Տավուշի մարզպետ Հայկ Չոբանյանն հրավիրել էր արտահերթ խորհրդակցություն մարզպետարանի ընտանիքի, կանանց և երեխաների իրավունքների պաշտպանության բաժնի, երեխաների իրավունքների հարցերով զբաղվող կազմակերպությունների ներկայացուցիչների մասնակցությամբ:
Քննարկվել է Խաշթառակ համայնքում մանկահասակ երեխաներին ծեծի ենթարկելու դեպքը: Այս մասին նշվում է Տավուշի մարզպետարանի Facebook-յան էջում:
«Բոլորիս ցնցած այս դեպքը ցույց է տալիս, որ այս ոլորտում խնդիրներ ունենք, սա նաև երեխաների պաշտպանության համակարգի բացթողման արդյունք է: Ընտանիքի խնդրի լուծմանը զուգընթաց պետք է գույքագրել և անմիջապես լուծել բոլոր նմանատիպ խնդիրները»,- նշել է մարզպետը:
Նշանակվել է ծառայողական քննություն, տրվել են ցուցումներ և առաջադրանքներ, դրանք կատարելու համար 1 շաբաթ ժամանակ:-0-
