«Սատանի կամրջի» հատվածում 16-ամյա տղան ընկել է ձորը (ՖՈՏՈ)

ԵՐԵՎԱՆ, 28 հուլիսի. /Նովոստի-Արմենիա/. Արտակարգ պատահար է տեղի ունեցել նախօրեին Սյունիքում:

Ժամը 12:40-ին Տաթև գյուղում «Սատանի կամուրջ» կոչվող հատվածում, 16-ամյա քաղաքացին ընկել է մոտ 20 մետր խորության ձորը, հայտնում է «Սուրբ Աստվածամայր» ԲԿ Facebook-ի էջը:

Հաղորդման համաձայն, վերջինս այնտեղ էր գնացել էքսկուրսիայի։



Փրկարարները նրան դուրս են բերել ձորից և մոտեցրել շտապօգնության ավտոմեքենային։ Տղան նախ հոսպիտալացվել է Գորիսի ԲԿ, այնուհետև ուղղաթիռով տեղափոխվել Երևան՝ «Սուրբ Աստվածամայր» ԲԿ։

Տղայի մոտ առկա է զուգակցված վնասվածքներ, բաց գանգուղեղային վնասվածք, կոնքի կոտրվածք։ Վիճակը ծանր է, բայց կայուն։ Գտնվում է բժիշկների խիստ հսկողության ներքո։ -0-