Պուշկին փողոցում բռնկված հրդեհը մարվել է գրեթե 3 ժամ անց
30.09.2025,
10:02
Հրդեհը մեկուսացվել է սեպտեմբերի 30-ին ժամը 00։26, մարվել՝ 02։31-ին
ԵՐԵՎԱՆ, 30 սեպտեմբեր․/Նովոստի-Արմենիա/. Պուշկին փողոցում բռնկված հրդեհը մարվել է գրեթե 3 ժամ անց։
Ինչպես հայտնում է ՆԳՆ Փրկարար ծառայությունը, դեպքի վայրում աշխատել է 7 մարտական հաշվարկ։
Պարզվել է, որ հրդեհը բռնկվել է երկհարկանի բաղդադե շինությունում (մոտ 525 քմ)։ Հրդեհը մեկուսացվել է սեպտեմբերի 30-ին ժամը 00։26, մարվել՝ 02։31-ին։
Այրվել են շինությունը՝ տանիքով (մոտ 375 քմ), գույք և սարքավորումներ՝ մասամբ։ Դեպքի վայրում երկու մարտական հաշվարկ իրականացրել է հերթապահություն։
Նախօրեին հայտնել էինք, որ սեպտեմբերի 29-ին, ժամը 22։26-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Պուշկինի փողոցի շենքերից մեկում։
Պատճենել հղումը
