ԵՐԵՎԱՆ, 15 օգոստոսի. /Նովոստի–Արմենիա/. Ոստիկանությունը պարզում է Պետերբուրգի երեք շրջաններում բնակարանների պատուհաններից տղամարդկանց ընկնելու հանգամանքները։ Բարեբախտաբար, բոլորը ողջ են և կարող են բացատրություն տալ։
Առաջին միջադեպը տեղի է ունեցել օգոստոսի 14–ին Էներգետիկների պողոտայում։ Այնտեղ բարձրահարկ շենքի պատուհանից 40–ամյա հայազգի տղամարդ է ընկել։ Տղամարդը ծանր վիճակում և գլխի վնասվածքներով հոսպիտալացվել է Ալեքսանդրովի հիվանդանոց, գրում է
fontanka.ru–ն։
Загружается новость ... "Лево"
Ոչ պակաս ծանր է գնահատվում Մոսկվայի շրջանի 26–ամյա բնակչի վիճակը, ով 18։30–ի սահմաններում ընկել է Մալայա Միտրոֆանևսկայա փողոցի տան չորրորդ հարկից։ Տուժածին վերջույթների կոտրվածքներով տարել են քաղաքային թիվ 26 հիվանդանոց։
Իսկ ահա Պետերբուրգի 41–ամյա բնակչի բախտն ավելի է բերել։ Օգոստոսի 15–ի գիշերը ժամը երեքի սահմաններում նա ընկել է Պրիդորոժնայա ճեմուղու տան երկրորդ հարկից` նա անսթափ վիճակում է եղել։ Դեպքի վայր ժամանած բժիշկները նրան տեղափոխել են ստացիոնար, բայց զննության ժամանակ լուրջ վնասվածքներ չեն գտել։ -0-