Մեքենայի ակնհայտ տեսանելի հատվածում հայտնաբերվել է երկփողանի հրացան․ 47–ամյա վարորդը բերման է ենթարկվել
20.01.2026,
14:38
Audi–ում ապօրինի պահվող հրացան է հայտնաբերվել
ԵՐԵՎԱՆ, 20 հունվարի․/Նովոստի–Արմենիա/․ Սյունիքի մարզի պարեկները հունվարի 17-ին Շվանիձոր գյուղում ստուգման նպատակով կանգնեցրել են «Աուդի» մակնիշի մի ավտոմեքենա, հաղորդում է ՀՀ ոստիկանությունը։
Մեքենայի ակնհայտ տեսանելի հատվածում հայտնաբերվել է երկփողանի որսորդական հրացան, որի համար 47-ամյա վարորդը համապատասխան փաստաթուղթ չի ներկայացրել։
Լիճք գյուղի բնակիչ 47-ամյա վարորդը մեքենայով հանդերձ՝ տեղափոխվել է Համայնքային ոստիկանության Մեղրիի բաժին:
Կազմված փաստաթղթերը ներկայացվել են նախաքննական մարմին։
Պատճենել հղումը
