Մահվան ելքով ավտովթար Արագածոտնում. Mercedes-ը բախվել է սյանը (ՎԻԴԵՈ)
11:00
12 Հունվարի 2020
ԵՐԵՎԱՆ, 12 հունվարի./Նովոստի-Արմենիա/. Արագածոտնում ողբերգական ավտովթար է տեղի ունեցել. վարորդը տեղում մահացել է: Այս մասին հայտնել է ՀՀ ԱԻՆ Փրկարար ծառայությունը:
«Հունվարի 11-ին, ժամը 09:51-ին «911» ծառայություն տեղեկություն է հաղորդվել, որ Արագածոտնի մարզի Ծաղկահովիտ գյուղի խաչմերուկում տեղի է ունեցել ՃՏՊ: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշվում է հաղորդագրության մեջ:
Պարզվել է, որ «Mercedes C180» մակնիշի ավտոմեքենան (վարորդ՝ Արամ Մ., ծնված 1985 թ.) դուրս է եկել ճանապարհի երթևեկելի հատվածից և բախվել ճամփեզրի սյանը. վարորդը տեղում մահացել է:
Ծառայության հաղորդմամբ, մինչ փրկարարների՝ կանչի վայր հասնելը վարորդին քաղաքացիների ուժերով դուրս են բերել ավտոմեքենայից և մոտեցրել շտապօգնության ավտոմեքենային:
Փրկարարները հոսանքազրկել են ավտոմեքենան և փակել գազի բալոնի փականը:-0-
Փողոցում քաղաքացիներից մեկը վազել է երիտասարդի հետևից, սակայն նա փախուստի ընթացքում պայուսակից հանել է դրամապանակը, որում եղել է կանխիկ գումար և բանկային քարտ․ ՖՈՏՈ