ԵՐԵՎԱՆ, 9 հունվարի. /Նովոստի-Արմենիա/. Նախօրեին Երևանի կենտրոնում խոշոր ՃՏՊ է տեղի ունեցել:
Հունվարի 8-ի ժամը 04:13-ին ահազանգ է ստացվել, որ Երևան քաղաքի Աբովյան փողոցի և Սայաթ-Նովայի պողոտայի խաչմերուկում բախվել են «Toyota Corolla» մակնիշի (վարորդ՝ Արեգ Դ.) և «BMW X6» (վարորդ՝ Ս. Մ.) ավտոմեքենաները: Մինչ փրկարարների հասնելը Toyota-ի վարորդը տեղափոխվել էր «Նաիրի» ԲԿ, որտեղ մահացել էր:
Загружается новость ...
"Право"
Քիչ առաջ հայտնի է դարձել, որ նույն ավտովթարի հետևանքով մարմնական վնասվածքներ ստացած, ՃՈ ծառայող Խաչիկ Գասպարյանը նույնպես մահացել է:
34-ամյա ոստիկանը հոսպիտալացվել էր «Հերացի» թիվ 1 հիվանդանոցային համալիր, որտեղ բժիշկները տուժածի առողջական վիճակը գնահատել էին ծայրահեղ ծանր:
BMW X 6-ի վարորդը դեպքի վայրից դիմել էր փախուստի, սակայն ժամեր անց ներկայացել էր ոստիկանություն: Ըստ մամուլում շրջանառվող տեղեկությունների, BMW X 6-ը վարել է հանրությանը հայտնի, բազմաթիվ ավտովթարների հեղինակ, քրեական պատմություններով հարուստ, նախկինում դատապարտված «Ճվճվ Արոյի» որդին՝ «Սաքուլիկ» մականվամբ Սարգիս Վարդանյանը:
Արեգ Դավթյանն ու Խաչիկ Գասպարյանը ծառայության մեջ են եղել. աշխատում էին ՃՈ 1-ին սպայական գումարտակում: Փաստի առթիվ հարուցվել է քրեական գործ: -0-
