Խոշոր հրդեհ Երևանի պանդոկներից մեկում. դեպքի վայր է մեկնել 4 մարտական հաշվարկ (ՎԻԴԵՈ)
14:59
28 Մայիսի 2020
ԵՐԵՎԱՆ, 28 մայիսի./Նովոստի-Արմենիա/. Մայիսի 28-ին, ժամը 03։07-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորագավիթ 1-ին փողոցում հացատուն է այրվում։ Այս մասին հայտնում է ԱԻՆ փրկարար ծառայությունը:
Загружается новость ... "Лево"
Հրդեհի բարդության «1-ԲԻՍ» կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
Պարզվել է, որ հրդեհը բռնկվել է Արմեն Խ․-ին պատկանող «Պապա-ֆուդ» պանդոկում։
Հրդեհը մեկուսացվել է ժամը 03։54-ին, մարվել՝ 04։05-ին։
«Այրվել են 1-ին փայտաշեն տաղավարի (մոտ 12 քմ) երեսպատումը՝ մոտ 4 քմ, գույքը (2 բարձրախոս, 1 աթոռ, 1 պատուհան և 1 օդորակիչ), 2-րդ փայտաշեն տաղավարում (մոտ 10 քմ տարածք)՝ 1 պատուհան, 1 օդորակիչ և փայտյա երեսպատումը (մոտ 1 քմ), հարակից խոհանոցային հատվածի (մոտ 40 քմ տարածք) տանիքի փայտյա կառուցատարրերը՝ մոտ 2 քմ, արտաքին երեսպատումը՝ մոտ 20 քմ, գույքը՝ 2 պատուհան, 1 դուռ և 4 սառնարան»,- նշվում է գերատեսչության հաղորդագրության մեջ:-0-