Խոշոր հրդեհ՝ նորակառույց շենքերից մեկում. տարհանվել է մոտ 15 քաղաքացի

ԵՐԵՎԱՆ, 17 հունվարի․/Նովոստի-Արմենիա/․ Այսօր խոշոր հրդեհ է տեղի ունեցել Կոտայքի մարզում։

Shamshyan.com-ի հաղորդմամբ, ժամը 09:00-ի սահմաններում ՀՀ ՆԳՆ ՓԾ 911 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Աբովյան քաղաքի Անմար կրակի հուշարձանի հարևանությամբ գտնվող նոր կառուցվող էլիտար շենքերից մեկում։

Ինչպես հայտնում է աղբյուրը, դեպքի վայր են ժամանել Աբովյանի հրշեջ-փրկարարական ջոկատից 2 մարտական հաշվարկ։

Հրշեջ-փրկարարներն ու պարեկները նշված շենքից տարհանել են մոտ 15 քաղաքացու։

Ըստ նախնական տեղեկությունների բարեբախտաբար տուժածներ չկան։

Այրվել են մալուխներ։

Դեպքի մասին տեղեկանալով ժամանել է Աբովյան խոշորացված համայնքի ղեկավար Էդուարդ Բաբայանը։

Դեպքի փաստով ՀՀ ՆԳՆ ոստիկանության համայնքային ոստիկանության գլխավոր վարչության Աբովյանի բաժնում փաստաթղթեր են կազմվում։