Խոշոր ավտովթար Երևանում. ճակատ-ճակատի բախվել են BMW-ն ու ՎԱԶ-ը, տուժել է 4 մարդ

ԵՐԵՎԱՆ, 5 ապրիլի./Նովոստի-Արմենիա/. Այսօր՝ ապրիլի 5-ին, խոշոր ավտովթար է տեղի ունեցել Երևանում:

Shamshyan.com-ի հաղորդմամբ, ժամը 16:50-ի սահմաններում, Հրազդանի կիրճում, «Ֆլորենսիա» ռեստորանային համալիրից դեպի ժողովրդին հայտնի «Մալականի այգի» տանող ճանապարհին ճակատ-ճակատի բախվել են BMW մակնիշի և ՎԱԶ-2121 մակնիշի ավտոմեքենաները:

Կայքի հաղորդմամբ, վթարի հետևանքով մարմնական վնասվածքներ է ստացել 4 մարդ: Տուժածներից 3-ը տեղափոխվել են թիվ 1 Համալսարանական հիվանդանոց, 1-ը՝ «Արմենիա» բժշկական կենտրոն:

Փաստի առթիվ նյութեր են նախապատրաստվում:

Ոստիկանությունը պարզում է վարորդների և վիրավորների ինքնությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: -0-