Կայծակը խփել–այրել է Մյունխեն-Մոսկվա չվերթի ինքնաթիռը

ԵՐԵՎԱՆ, 19 հոկտեմբերի. /Նովոստի-Արմենիա/. Կայծակը միջաթափանց անցք է բացել ուղևորափոխադրող ինքնաթիռի քթի հատվածում` Մյունխենից Մոսկվա մեկնելուց հետո, հայտնել է «Ինտերֆաքսին» արտակարգ իրավիճակների ծաառայության աղբյուրը:

«Մյունխենից մեկնելուց հետո օդանավի հրամանատարը զեկուցել է ստատիկ էլեկտրականությամբ А320 ինքնաթիռի վնասվելու մասին: Անձնակազմին հաջողվել է բարեհաջող հասնել Մոսկվա և վայրէջք կատարել «Շերեմետևո» օդանավակայանում», - ասել է աղբյուրը:

Թռիչքի ավարտից հետո տեխնիկական ծառայությունների աշխատակիցները ինքնաթիռի քթի հատվածում միջանցիկ անցք են հայտնաբերել` օդաչուների խցիկի դիմապակուց ներքև: «Կայծակն ուղղակիորեն վառել է ֆյուզելյաժը: Որոշում է կայացվել հանել ինքնաթիռը թռիչքերից», - ասել է աղբյուրը:

Օդանավում գտնվողներից ոչ ոք չի տուժել: -0-