Հինգշաբթի մեղադրանք է առաջադրվել Մոսկվայի բնակչուհու նկատմամբ, ում երեք ամսական երեխան բուժօգնություն չստանալու հետևանքով մահացել է, ուրբաթ հաղորդում է Վլադիմիրսկայա շրջանի ՌԴ ՔՀ վարչությունը, հաղորդում է ՌԻԱ Նովոստին:
Անցյալ տարվա մայիսին բլոգերներն ակտիվորեն քննարկում էին երեք ամսական աղջկա մահը, ով ծնողների գործողությունների պատճառով մասնագետի կողմից բուժօգնություն չստանալու պատճառով մահացել էր: Ըստ հետաքննության, Մոսկվայի 32-ամյա բնակիչ Յուլիա Միկովան իր երեք ամսական երեխայի լուրջ հիվանդության ժամանակ բժիշկ կանչելու փոխարեն նրան բուժել է ինտերնետի օգտատերերից ստացած խորհուրդներով: Երբ երեխայի վիճակը ծայրաստիճան վատացել է, Միկովան դիմել է բժշկի, բայց, չնայած նրա խորհուրդներին, հրաժարվել է երեխային հիվանդանոց տեղափոխել, և երեխան մահացել է: Միկովայի դեմ քրեական գործ է հարուցվել:
«Հինգշաբթի նրան մեղադրանք է առաջադրվել հանցագործություն կատարելու մեջ, որը նախատեսված է ՌԴ ՔՕ 109-րդ հոդվածի 1 մասով (անզգուշությամբ մահվան հասցնել)»,-ասվում է հաղորդագրության մեջ:
Կնոջը սպառնում է մինչև երկու տարվա ազատազրկում: Քննությունը հաստատել է, որ Միկովան հղիության ժամանակ բժշկական հաշվառման չի կանգնել, ծննդաբերել է մոտակա հիվանդանոցից 30 կմ հեռավորության վրա՝ Վլադիմիրսկայա շրջանի Յուրև-Պոլսկի շրջանի Կոսագովո գյուղում՝ տնային պայմաններում: Հետագայում կինը մանկական հիվանդանոցում երեխային հաշվառման չի ներկայացրել, բժշիկների մոտ հետազոտության չի տարել: -0-
