Տղամարդը հրկիզել է իրեն և նետվել բազմահարկ շենքի բնակարանից

Երեքշաբթի առավոտյան Մոսկվայի հյուսիս-արևելքում գտնվող բազմաբնակարան շենքերից մեկի 11-րդ հարկից նետվել է մի տղամարդ՝ նախապես հրկիզելով իրեն, ՌԻԱ Նովոստիին է հայտնել Մոսկվայի իրավապահ մարմինների աղբյուրը:

«Նախնական տվյալներով՝ տղամարդն իր վրա վառելանյութ է լցրել և նետվել պատուհանից: Նա ընկել է նույն շենքում գտնվող խանութի տանիքի վրա», ասել է գործակալության զրուցակիցը:

Տղամարդը մահացել է: Դեպքի վայր են ժամանել օպերատիվ ծառայության աշխատակիցները: Ճշտվում են միջադեպի հանգամանքները:--0-