Նախագահական նստավայրի դարպասին բախված մեքենայի վարորդն ազատ է արձակվել. թերթ

Վաչագան Իսոյանը՝ նախորդ տարվա նոյեմբերին նախագահական նստավայրի դարպասի բախված ավտոմեքենայի վարորդը, դեկտեմբերի 27-ին ազատ է արձակվել, գրում է «Հայկական ժամանակ» օրաթերթ:

Ինչպես գրում է թերթը, քրեական գործը կասեցվել է զղջման հիման վրա:

«ԳԱԶ-2410» մակնիշի ավտոմեքենան նախագահի նստավայրի դարպասին էր բախվել նոյեմբերի 17-ին:

Անվտանգության ծառայության աշխատակիցները կանգնեցրել էին մեքենան և ձերբակալել վարորդին:
Դեպքի վայր ժամանած ոստիկանները պարզել էին, որ վարորդը 1972 թվականին ծնված Վաչագան Իսոյանն է, ով միջադեպի պահին եղել է ալկոհոլի ազդեցության տակ:--0-