Ֆրանսիայի ժանդարմերիան ուրբաթ ձերբակալել է 23 վրացիների և հայերի, ովքեր կասկածվում են Ֆրանսիայի հարավ-արևմուտքի բնակելի տների և ձեռնարկությունների թալանի մեջ, ասվում է Բորդոյի դատախազության հաղորդագրության մեջ:
Ավելի վաղ Ֆրանս Պրեսը, հղում անելով քննիչներին, հայտնել էր, որ ձերբակալել են անձանց Հայաստանից, Վրաստանից, Ռուսաստանից, այդ թվում՝ Չեչնիայից:
Օպերացիային մասնակցել են ավելի քան 300 ժանդարմներ:
«Այս օպերացիայի արդյունքում, որն իրականացվել է դատական քննիչ Վալերիա Նոելի գլխավորությամբ, ձերբակալվել են վրացական և հայկական ազգությունների 23 մարդ փարիզյան մարզում գտնվող տարբեր շրջաններում՝ Արյեժ, Ավեյրոն, Ժեր, Թարն, Թարն-ի-Գարոն և Լո դեպարտամենտներում», ասվում է հայտարարության մեջ, հաղորդում է ՌԻԱ Նովոստին:
Դատախազության տվյալներով, հանցավոր կազմակերպությունը զբաղվել է թվային տեխնիկայի և զարդեղենի կողոպուտով և համագործակցել է գողացված արժեքավոր իրերի իրացման ցանցի հետ, իսկ շահույթը պարբերաբար ուղղվել է Կովկասի երկրներ:
«Կասկածյալներն առաջիկա օրերին կներկայանան Բորդոյի քննիչի մոտ մեղադրանքները լսելու համար»,- նշվում է փաստաթղթում:
Ձերբակալվածներին կարող է մեղադրանք առաջադրվել հանցավոր խմբի կազմում թալանի, գողացվածը թաքցնելու, հանցավոր խմբի կազմում փողերի լվացման և հանցավոր խմբին մասնակցելու մեջ: -0-
