ԵՐԵՎԱՆ, 3 նոյեմբերի. /Նովոստի-Արմենիա/. Հինգշաբթի առավոտյան Եգիպտոսի ծովափի մոտ լաստանավում բռնկված հրդեհի բոլոր ուղևորները փրկվել են և տեղափոխվել ափ, տուժածներ չկան, ՌԻԱ Նովոստիին է հայտնել Կարմիր ծովի նավահանգիստների վարչությունը:
Փրկված ուղևորները տեղափոխվել են Նուվեյբու: Ըստ վերջին տվյալների, լաստանավում հիմնականում եղել են արտերկրում աշխատող Եգիպտոսի քաղաքացիներ: Ռուսական տուրընկերություններից մեկը հայտնել է, որ ուղևորների շրջանում կարող է 50 ռուս լինել:
«Բիլա» լաստանավն Ակաբայից (Հորդանա) շարժվել է դեպի Նուվեյբա (Սինայի թերակղզու հարավ, Եգիպտոս) նավահանգիստ: Հրդեհը բռնկվել է տեղական ժամանակով ժամը 8.45-ին (Երևանի ժամանակով 10.45-ին) նավի որոշակի հատվածում, երբ լաստանավը դուրս է եկել Ակաբայից և գտնվել է Նուվեյբայից մոտ 30 կմ հեռավորության վրա:
Անձնակազմը աղետի ազդանշան է տվել և տեղեկացրել, որ նավի մի հատված գրեթե ամբողջովին այրվել է: Փրկարարական գործողությանը մասնակցել են լաստանավին մոտ գտնվող եգիպտական ՌՕՈՒ-ն ու ՌԾՆ-ն: -0-
