Վրացական աղբյուրները հաղորդում են, որ Քութայիսիում ՃՏՊ-ի հետևանքով 13 մարդ է տուժել

Վրացական աղբյուրները հաղորդում են Քութայիսիում ՃՏՊ-ի հետևանքով  տուժած 13 զբոսաշրջիկների մասին, հայկական կողմն առայժմ չի հաստատում այդ տեղեկությունը։

Ինչպես հաղորդում է ԿԱՎԿԱԶ-ՊՐԵՍ-ը՝ հղում անելով պարեկային ոստիկանությանը, նախնական տվյալներով, բեռնատար միկրոավտոբուսը բախվել է հայ զբոսաշրջիկների տեղափոխող միկրոավտոբուսին Քութայիսի մտնելիս։
«Նովոստի-Գրուզիա» գործակալությունը, հղում անելով «Ռուսթավի-2» հեռուստաընկերությանը, հաղորդում է, որ միկրոավտոբուսում եղել են Հայաստանի 20 քաղաքացիներ, ովքեր հանգստի էին մեկնում սևծովյան Քոբուլեթի քաղաք։

Արդյունքում Հայաստանի 12 քաղաքացիներ ստացել են տարբեր աստիճանի մարմնական վնասվածքներ, տուժել է նաև բեռնատար միկրոավտոբուսի վարորդը։ Բոլոր 13 տուժածները տեղափոխվել են Քութայիսիի կենտրոնական հիվանդանոց։

«Ավտոբուսում եղել է Հայաստանի 20 քաղաքացի, մենք Քոբուլեթի էինք գնում հանգստանալու։ Չգիտեմ, թե ինչ տեղի ունեցավ, քանի որ այդ ժամանակ քնած էինք։ Չորս տուժածներ ծանր վիճակում են։ Ավտոբուսում երեխաներով ուղևորներ կային, նրանք նույնպես տուժել են»,- հեռուստաընկերությանը հայտնել է ուղևորներից մեկը՝ Հայաստանի բնակիչ Մարգուշ Դոնաևան։

«Մեզ մոտ 13 տուժած է տեղափոխվել, նրանց մեծամասնությունը Հայաստանի քաղաքացիներ են և Վրաստանի մեկ քաղաքացի։ Ելնելով վիճակի ծանրությունից՝ տուժածների մի մասը տեղավորվել է կրիտիկական բժշկության կենտրոն»,- ասել է Քութայիսիի կլինիկայի հերթապահ բժիշկ Սոֆո Պանչուլիձեն։
Ոստիկանության աշխատակիցներն աշխատում են դեպքի վայրում և ուսումնասիրում են ՃՏՊ-ի պատճառները։ -0-