Սիսիան-Երևան ավտոճանապարհին ձնաբքի մեջ են ընկել երեք մեքենաներ

Չորեքշաբթի վաղ առավոտյան Սիսիան-Երևան ավտոճանապարհի 38-րդ կմ-ում երեք մեքենաներ են հայտնվել ձնաբքի մեջ, չորեքշաբթի «Նովոստի-Արմենիա» գործակալությանը հաղորդեցին ՀՀ փրկարար ծառայությունից:

Հաղորդագրության համաձայն, դեպքի վայր է մեկնել մեկ մարտական հաշվարկ: Հրշեջ-փրկարարների ուժերով ճանապարհի երթևեկելի հատված են դուրս բերվել 3 ավտոմեքենա (3 վարորդ, 4 ուղևոր): -0-