Հրդեհի ահազանգ խանութ սրահներից մեկի պահեստում. դեպքի վայր է մեկնել 4 մարտական հաշվարկ
13.02.2026,
13:36
Հրդեհ է բռնկվել Կոտայքի մարզի առևտրի կենտրոնի տարածքում գտնվող խանութ սրահներից մեկի պահեստում
ԵՐԵՎԱՆ, 13 փետրվարի․/Նովոստի–Արմենիա/․ Փետրվարի 13-ին, ժամը 11։59-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Կոտայքի մարզի առևտրի կենտրոնի տարածքում գտնվող խանութ սրահներից մեկի պահեստում։
Այս մասին հայտնում է ՆԳՆ Փրկարար ծառայությունը։
Ըստ ՓԾ տեղեկատվության, հրդեհի բարդության «1 ԲԻՍ» կանչով դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, հրդեհաշիջման և փրկարարական աշխատանքների կազմակերպման բաժնի և Հոգեբանական աջակցության և բժշկական ապահովման վարչության հերթապահ խմբերը։
«Կտրվի լրացուցիչ տեղեկություն»,-նշվում է ՆԳՆ ՓԾ տարածած հաղորդագրության մեջ։
Պատճենել հղումը
