ԵՐԵՎԱՆ, 16 փետրվարի. /Նովոստի–Արմենիա/. Հինգշաբթի ցերեկը հրդեհ է բռնկվել Սյունիքի մարզի Քաջարան քաղաքի Պղնձամոլիբդենային կոմբինատի տարածքում գտնվող ավտոտեխսպասարկման կետում, հայտնում է ԱԻՆ մամուլի ծառայությունը։
Դեպքի վայր է մեկնել երեք մարտական հաշվարկ և Մարզային փրկարարական վարչության օպերատիվ խումբը:
Ինչպես նշվում է հաղորդման մեջ, հրդեհաշիջման աշխատանքների ղեկավարման ժամանակ Կապանի թիվ 54 հրշեջ-փրկարարական ջոկատի հրամանատար, փ/ծ փոխգնդապետ՝ 1970 թ. ծնված Դավիթ Ասատրյանը ստացել է ոտքի վնասվածք և հոսպիտալացվել Քաջարանի ԲԿ։
Ասատրյանի մոտ ախտորոշվել է նստոսկրի վերին ճյուղի կոտրվածք՝ աննշան տեղաշարժով: Բժիշկները տուժածի առողջական վիճակը բժիշկները գնահատում են բավարար:
Հրդեհը մեկուսացվել է ժամը 18:15-ին, մարվել՝ 19:34-ին: Ավտոկայանատեղիում այրվել է ավտոնորոգման արհեստանոցն ամբողջությամբ (35 քմ): -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում