Հրազդանում հայտնի հրուշակագործի մահվան դեպքի առթիվ նախաձեռնվել է քրվարույթ՝ ինքնասպանությանը հասցնելու հատկանիշներով
ԵՐԵՎԱՆ, 2 ապրիլի․/Նովոստի–Արմենիա/․ Հրազդանում 40–ամյա կնոջ մահվան դեպքի առթիվ նախաձեռնվել է քրեական վարույթ՝ ինքնասպանությանը հասցնելու հատկանիշներով։
Այս մասին «Նովոստի–Արմենիա» գործակալությանը հայտնեց ՀՀ ՔԿ մամուլի քարտուղար Կիմա Ավդալյանը։
«Դեպքի առթիվ 2025 թվականի մարտի 31-ին ՀՀ քննչական կոմիտեի Կոտայքի մարզային քննչական վարչությունում ՀՀ քրեական օրենսգրքի 162-րդ հոդվածի 1-ին մասով (ինքնասպանության հասցնելը) նախաձեռնվել է քրեական վարույթ», – նշեց Ավդալյանը։
Քննչական կոմիտեից նաև հայտնեցին, որ կնոջը գտել են կախված վիճակում։
Ավելի վաղ հայտնել էինք, որ Հրազդանում մարտի 31–ին ողբերգական դեպք է տեղի ունեցել։ Կախված վիճակում հայտնաբերվել է 40–ամյա Ս․Պ–ի մարմինը, ով քաղաքում եղել է հայտնի հրուշակագործ։ Նա ամուսնացած էր, ուներ երկու զավակ, երկար տարիներ զբաղվել է տոնական տորթերի պատրաստմամբ: Նրա պատրաստած տորթերը զարդարել են հայտնի հասարակական և մշակութային գործիչների միջոցառումները:
