ԵՐԵՎԱՆ, 13 օգոստոսի. /Նովոստի–Արմենիա/. Երեքշաբթի արտակարգ դեպք է տեղի ունեցել Արարատի մարզում:
Ժամը 18:20-ի սահմաններում Երան-Երասխ ավտոճանապարհի Այգավան գյուղի վարչական տարածքում բախվել են Արարատի մարզի Զորակ գյուղի բնակիչներ, 35-ամյա Հրայր Դավթյանի վարած Mercedes E320 և 60-ամյա Ջենրիկ Դավթյանի վարած Mercedes C180 համարանիշի ավտոմեքենաները:
Ինչպես հայտնում է shamshyan.com–ը, վթարի հետևանքով 2 մարդ, Եղվարդ քաղաքի բնակիչներ, 29-ամյա Նաիրա Համբարձումյանը և 5-ամյա Է. Գ.-ն մարմնական վնասվածքներով տեղափոխվել են Վեդու բժշկական կենտրոն:
Փաստի առթիվ նյութեր են նախապատրաստվում:
Աղբյուրի տեղեկություններով՝ Mercedes-ների վարորդները հայր ու որդի են: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում