Հայաստանում տատիկը նորածին թոռանը նետել է զուգարան

ԵՐԵՎԱՆ, 29 սեպտեմբերի. /Նովոստի–Արմենիա/. Տանը ծննդաբերած 33–ամյա կնոջ մայրը նորածնին նետել է առանձնատանը կից կառուցված զուգարանը։

Ինչպես «Նովոստի Արմենիային» հայտնեցին ոստիկանության մամուլի ծառայությունից, սեպտեմբերի 27–ին 05։10–ին ՀՀ Տավուշի մարզի Բերդ բժշկական կենտրոնից ահազանգ է ստացվել, որ իրենց դիմել է 36-37 շաբաթականում ծննդաբերած 33-ամյա մի կին, բայց նորածնին իր հետ հիվանդանոց չի բերել։


Դեպքի վայր ժամանած ոստիկանները պարզել են, որ կինը ծննդաբերել է նույն օրը իրենց տան պատշգամբում։ Դեպքը տեղի է ունեցել գիշերվա ժամը երկուսի սահմաններում։

Նորածինը մահացել է։ -0-