ԵՐԵՎԱՆ, 10 հուլիսի. /Նովոստի–Արմենիա/. Ջորջ Քլունին ավտովթարի է ենթարկվել Սարդինիա կղզում։ Ինչպես հայտնում են իտալական լրատվամիջոցները, 57–ամյա դերասանի վարած մոտոցիկլը երեքշաբթի բախվել է ավտոմեքենայի։
Բարեբախտաբար, հարվածը շատ ուժեղ չի եղել, Քլունին լուրջ չի տուժել։ Վթարից հետո նա տեղափոխվել է մոտակա հիվանդանոց, բայց շուտով կարողացել է լքել բուժհաստատությունը, հայտնում է
euronews.com–ի ռուսական ծառայությունը։
Քլունին արդեն ամսից ավելի Իտալիայում է։ Նա Սարդինիա է մեկնել կնոջ` Ամալի և երեխաների հետ, իսկ այժմ նկարահանվում է նոր սերիալում։ -0-