Գեղարքունիքում անհայտ անձինք երեք դամբարան են քանդել և թալանել (ՖՈՏՈ)

ԵՐԵՎԱՆ, 28 օգոստոսի․ /Նովոստի-Արմենիա/․ Գեղարքունիքում գրանցվել է գանձագողության դեպք։

Ինչպես նշվում է ՀՀ ԿԳՄՍ նախարարության պահպանության ծառայության ՊՈԱԿ-ի Facebook-յան էջում, Գեղարքունիքի մարզի Մարտունու տարածաշրջանի Ձորագյուղ համայնքի վարչական սահմաններում, համայնքից մոտ 2 կմ դեպի արևմուտք գտնվող  «Դամբարանադաշտ մթա. 2-1 հզմ.»  հանրապետական նշանակության հուշարձանի պահպանական գոտու տարածքի երեք դամբարան անհայտ անձինք գանձագողության նպատակով քանդել են և թալանել: 

«ՊՄՊ Գեղարքունիքի մարզային ծառայությունը իրավախախտման փաստով ահազանգել է Գեղարքունիքի մարզային վարչության Մարտունու բաժին»,- ասվում է գրառման մեջ։-0-