ԵՐԵՎԱՆ, 1 ապրիլի. /Նովոստի-Արմենիա/. Ոստիկանության աշխատակիցները թմրանյութի ձեռքբերման կասկածանքով քաղաքացու են բերման ենթարկել։
Ինչպես հայտնում է գերատեսչության մամուլի ծառայությունը, մարտի 28-ին ոստիկանության թմրամիջոցների անօրինական շրջանառության դեմ պայքարի վարչության և Արաբկիրի բաժնի ծառայողները, համագործակցելով ազգային անվտանգության ծառայության աշխատակիցների հետ, Կիևյան փողոցում հայտնաբերեցին ու ոստիկանության Արաբկիրի բաժին բերման ենթարկեցին Ալեքսանդր Եղիազարյանին․ կասկածանքը՝ թմրամիջոց ձեռք բերելը, պահելն ու օգտագործելն էր։
Նրա մոտ եղած ծրարում, որը Գերմանիայից ստացել էր փոստային առաքումով, հայտնաբերվեց դեղնականաչավուն չորս հաբ։
Ըստ տեղեկությունների՝ դրանք նոր սերնդի էքստազի տեսակի թմրամիջոց են։
Загружается новость ...
"Право"
Հաբերն ուղարկվել են փորձաքննության։ Պարզվել է, որ հայտնաբերվածն առանձնապես խոշոր չափերի «MDMA» տեսակի թմրամիջոց է՝ էքստազիի տարատեսակ։
Դեպքի առթիվ քրեական գործ է հարուցվել։
Ալեքսանդր Եղիազարյանը ձերբակալվել է։ Նրան մեղադրանք է առաջադրվել։ Դատարանի որոշմամբ մեղադրյալը գրավի դիմաց բաց է թողնվել։
Նախաքննություննը շարունակվում է։ -0-
