Երևանում պայթյունի ականատեսը մանրամասներ է պատմել

ԵՐԵՎԱՆ, 2 ապրիլի. /Նովոստի–Արմենիա/. Երևանի կենտրոնում տեղի ունեցած պայթյունի ականատեսը միջադեպի որոշ մանրամասներ է ներկայացրել:

Ապրիլի 2-ի ժամը 20:44-ին ԱԻՆ ահազանգ է ստացվել, որ Հյուսիսային պողոտա 5 հասցեում գտնվող «Բուրգեր քինգ» արագ սննդի կետում պայթյուն է տեղի ունեցել: Նախնական տեղեկություններով, խոհանոցում պայթել է լցնովի գարեջրի ճնշումն ապահովող թթվածնի բալոնը: ԱԻՆ տեղեկություններով, պայթյունից տուժել է 8 մարդ, այդ թվում` երկու երեխա: Տուժածների թվում Իրանի` երկու և Ռուսաստանի երեք քաղաքացի կա: Նրանք բոլորը տեղափոխվել են «Սուրբ Գրիգոր Լուսավորիչ» ԲԿ:


Ականատես Սերլի Զարգարյանը Թեհրանից պատմել է լրագրողներին, որ իրենք չորսով նստած էին սրճարանում, երբ պայթյուն որոտաց, և սկսեց ծխալ:

«Պայթյունը լսելով` բոլորը դուրս վազեցին», - պատմել է նա:

Զարգարյանի ընկերներից մեկը` Էրիկ Աշուղյանը պայթյունից փայթե առարկայով գլխի թեթև վնասվածք է ստացել:

Ոստիկանության տվյալներով, այն վարկածը, թե պայթյունը կանխամտածված էր, այդ պահի դրությամբ բացառվում է: -0-