«Երևան Սիթի»–ում բռնկված հրդեհից տուժած երկու քաղաքացի ծխահարության հետևանքով ստացել է առաջին բուժօգնություն
ԵՐԵՎԱՆ, 6 նոյեմբերի․/Նովոստի–Արմենիա/․ 14 մարտական հաշվարկ ներգրավված է «Երևան Սիթիի» սննդի կետում բռնկված հրդեհի մարման աշխատանքներին։ Այս մասին հայտնեց ՆԳ նախարարի մամուլի քարտուղար Նարեկ Սարգսյանը դեպքի վայրում հավաքված լրագրողներին։ մ
«Քաղաքացիների տարհանումը սկսվել է մինչև հրշեջների ժամանումը, այս պահին քաղաքացիները տարհանվել են», – նշեց Սարգսյանն՝ ավելացնելով, որ հրդեհի պատճառների մասին դեռ վաղ է խոսել, այս պահին հրդեհաշիջման աշխատանքները շարունակվում են։
Սարգսյանը նաև հայտնեց, որ նախնական տվյալներով, երկու քաղաքացի ծխահարության հետևանքով ստացել են առաջին օգնություն։
Հիշեցնենք, որ այսօր ժամը 11։08-ին ահազանգ է ստացվել, որ Երևան քաղաքի Կոմիտասի պողոտայի սննդի կետերից մեկում հրդեհ է բռնկվել։ Փրկարար ծառայության հաղորդմամբ, հրդեհը բռնկվել է շինության տանիքում։
