Ավտովթար Ազգային ժողովի մոտ. բախվել են BMW-ն ու Mazda-ն

ԵՐԵՎԱՆ, 17 օգոստոսի./Նովոստի-Արմենիա/. Նախօրեին՝ օգոստոսի 16-ին, ավտովթար է տեղի ունեցել Երևանում:

Shamshyan.com-ի հաղորդմամբ, ժամը 22:20-ի սահմաններում, Բաղրամյան պողոտա-Դեմիրճյան փողոցի խաչմերուկում բախվել են BMW և Mazda մակնիշի ավտոմեքենաները:

Կայքի հաղորդմամբ, վթարի հետևանքով 1 հոգի մարմնական վնասվածքներով տեղափոխվել է թիվ 1 համալսարանական հիվանդանոց:

Փաստի առթիվ  նյութեր են նախապատրաստվում:

Ոստիկանությունը պարզում է վարորդների և վիրավորի ինքնությունը: -0-