Ավազակային հարձակում Երևանի «Հայփոստի» բաժանմունքներից մեկում. խոշոր գումար են հափշտակել

ԵՐԵՎԱՆ, 29 հունվարի./Նովոստի–Արմենիա/. Այսօր երեկոյան ավազակային հարձակում է տեղի ունեցել Երևանում:

Shamshyan.com–ի հաղորդմամբ, դանակով զինված մի երիտասարդ մտել է Շենգավիթ վարչական շրջանի Արտաշիսյան 7 հասցեում գործող «Հայփոստ»-ի թիվ 39 մասնաճյուղ և դանակի սպառնալիքի տակ աշխատակցից հափշտակել խոշոր չափի գումար։

Փաստի առթիվ հարուցվել է քրեական գործ:

Կայքի հաղորդմամբ, ըստ նախնական տեղեկությունների՝ ավազակային հարձակում կատարելու հետևանքով զոհեր և վիրավորներ չկան: Ժամանեցին նաև ոստիկանության փորձաքրեագիտական վարչության փորձաքրեագետները, ովքեր կատարում են դեպքի վայրի զննություն։–0–