Արթիկում ուժեղ պպտահողմ է գրանցվել․ վնասվել են շինություններ, էլեկտրագծեր (ՖՈՏՈ)
ԵՐԵՎԱՆ, 15 հունիսի․/Նովոստի–Արմենիա/․ Արթիկում նախօրեին ուժեղ պպտահողմի հետևանքով վնասվել են բնակելի շենքեր, տներ, հասարակական և գյուղատնտեսական շինություններ, հայտնում են Արթիկի համայնքապետարանից։
Նախօրեին ժամը 19:00-ի սահմաններում, Արթիկ համայնքում եղել ուժեղ պտտահողմ։
Ուժեղ պտտահողմը նախնական տվյալներով Արթիկ քաղաքում, Մեծ Մանթաշ, Գետափ, Արևշատ, Նոր Կյանք, Անուշավան, Հոռոմ, Պեմզաշեն գյուղերում վնասել է բնակելի շենքերի, տների, հասարակական և գյուղատնտեսական շինությունների տանիքներ, ջերմոցային տնտեսություններ, էլեկտրահաղորդման գծեր։
«Արթիկ համայնքի ղեկավար Անան Ոսկանյանը, ոլորտային պատասխանատուների հետ տեղում անմիջապես ծանոթանալով պատճառված նախնական վնասներին, հանձնարարել է ստեղծել հանձնաժողով` վնասի նախնական չափերն ուսումնասիրելու նպատակով», – նշվում է հաղորդագրության մեջ։
