Արմավիրում հրդեհը մարելիս տղամարդու` ամբողջովին այրված դի է հայտնաբերվել (ՖՈՏՈ)

ԵՐԵՎԱՆ, 23 փետրվարի. /Նովոստի–Արմենիա/. Ուրբաթ ողբերգական դեպք է տեղի ունեցել Արմավիրի մարզում։

Ժամը 06։30-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Գաի գյուղում տուն է այրվում։



Ինչպես հայտնում է shamshyan.com–ը, հրշեջ-փրկարարները, նշված գյուղի թիվ 13 տանը մարելով կրակը, այնտեղ հայտնաբերել են 61-ամյա Ռազմիկ Հայրապետյանի՝ ամբողջովին այրված դին։

Տունն ամբողջովին վերածվել է մոխրակույտի։ Հրդեհի պատճառը պարզ կդառնա մի շարք փորձաքննություններից հետո։

Փաստի առթիվ նյութեր են նախապատրաստվում։ -0-