Ապարանում 46-ամյա կինը փորձել է ցած նետվել պատուհանից

ԵՐԵՎԱՆ, 30 ապրիլի./Նովոստի-Արմենիա/. Ապրիլի 30-ին, ժամը 08:06-ին Ճգնաժամային կառավարման ազգային կենտրոն ահազանգ է ստացվել, որ Արագածոտնի մարզի Ապարան քաղաքի Բաղրամյան փողոցի թիվ 45 շենքի բնակարաններից մեկի քաղաքացին փորձում է ինքնասպանություն գործել՝ ցած նետվելով պատուհանից: Այս մասին հայտնում է ԱԻՆ փրկարար ծառայությունը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը:

«Փրկարարները ոստիկանության աշխատակիցների հետ համատեղ կանխել են Նելլի Պ.-ի (ծնված 1974 թ.) ինքնասպանության փորձը»,- նշվում է գերատեսչության հաղորդագրության մեջ: -0-