Անհայտ անձը հայտնել է, թե ԱԺ շենքում ռումբ է տեղադրված

ԵՐԵՎԱՆ, 2 սեպտեմբերի. /Նովոստի-Արմենիա/. Սեպտեմբերի 2-ին արտակարգ դեպք է գրանցվել Երևանում:

Վաղ առավոտյան`ժամը 06:56-ին, անհայտ անձից ահազանգ է ստացվել, որ Բաղրամյան 19 հասցեում գտնվող Ազգային ժողովի շենքում ռումբ կա տեղադրված, որը պայթելու է:


Ըստ ԱԻՆ մամուլի հաղորդագրության, դեպքի վայր են մեկնել մեկ մարտական հաշվարկ և հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:

Դեպքի վայրում է գտնվել ԱԻՆ ՓԾ ՔՊ վարչության ուժերի հավաքական կենտրոնի ինժեներական ջոկատի հրամանատարը:

Զուգահեռ իրավապահները պարզում են ահազանգողի ինքնությունը: -0-