Անասնագոմի պատը փլուզվել է, կա տուժած. վիճակը գնահատվում է կայուն ծանր
27.08.2024,
12:30
Դեպքի վայր է մեկնել հրշեջ-փրկարարական մարտական հաշվարկ
ԵՐԵՎԱՆ, 27 օգոստոսի․/Նովոստի-Արմենիա/. ՀՀ ՆԳՆ փրկարար ծառայությունը հայտնում է, որ օգոստոսի 27-ին, ժամը 10։06-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դդմաշեն գյուղի 5-րդ փողոցի տներից մեկի բակում շինարարական աշխատանքների ժամանակ տեղի է ունեցել փլուզում, կա տուժած․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ տան մոտակա անասնագոմի հողաշեն պատը մասամբ փլուզվել է (մոտ 6 քմ), տուժած Ռ․ Ա․-ն տեղափոխվել է բժշկական կենտրոն, որտեղ բժիշկները նրա առողջական վիճակը գնահատել են կայուն ծանր։
Փրկարարները սահմանազատել են տարածքը։
Պատճենել հղումը
