ԱՄՆ-ում 10-ամյա աղջիկը ստիպել է գողին փախչել. դեպքը հայտնվել է տեսախցիկի ուշադրության կենտրոնում (ՎԻԴԵՈ)

ԵՐԵՎԱՆ, 27 մայիսի./Նովոստի-Արմենիա/. ԱՄՆ-ում 10-ամյա աղջիկը վախեցրել է գողին և ստիպել վերջինիս փախչել, հաղորդում է korrespondent.net-ը՝ հղում անելով Daily Mail-ին:

Դեպքը կատարվել է ամերիկյան Բեյքերսֆիլդ քաղաքում և հայտնվել տեսախցիկների ուշադրության կենտրոնում:

Կադրերում երևում է սպիտակ մեքենան, որում նստած է փոքրիկ աղջնակը՝ Լոլա Լետուռնոն: Հետո կադրերում հայտնվում է մի տղամարդ, ում հետաքրքրում է տան բաց դռնով ավտոտնակը:

Երբ աղջիկը տեսնում է ավտոտնակին մոտեցող տղամարդուն, նա դուրս է թռչում մեքենայից՝ ճչալով. «Դուրս, դուրս այստեղից»: Հետո աղջիկն արագ վազում է տուն մոր մոտ: 

Երեխայի մայրը՝ Ջորդան Փենդլին նշել է, որ չնայած աղջնակի խիզախ քայլին, վերջինս շատ վախեցած էր: -0-

Տեսանյութը՝ Storyful Rights Management-ի