Զեյթունում փլված շենքի փլատակների տակ քաղաքացի կա. նախարար (ՎԻԴԵՈ)
13:00
26 Օգոստոսի 2020
ԵՐԵՎԱՆ, 26 օգոստոսի./Նովոստի–Արմենիա/. Փրկարարները շարունակում են Երևանում պայթյունի հետևանքով մասնակի փլուզված շենքի տակ մնացած քաղաքացու որոնումները, չորեքշաբթի լրագրողներին ասաց ԱԻ նախարար Ֆելիքս Ցոլակյանը։
«Փրկարարները տեղ են որոնում, որի միջոցով կկարողանան իջնել փլատակների տակ, որտեղ, նախնական տվյալներով, գտնվում է երկրորդ հարկի բնակիչը, ով 56–ամյա տղամարդ է», – ասաց Ցոլակյանը։
Նա նշեց, որ տուժել է երեք մարդ, որոնցից երկուսն արդեն հոսպիտալացվել է։
«Մեր հիմնական խնդիրը հիմա երրորդ քաղաքացու փրկությունն է», – ասաց Ցոլակյանը։
Այսօր առավոտյան գազի արտահոսքից պայթյուն է տեղի ունեցել Երևանի Ռայնիսի փողոցի թիվ 1 քառահարկ պանելային շենքում։
Ըստ նախնական տվյալների փլատակների տակից դուրս է բերվել երկու քաղաքացի․ իրականացվել է 19 քաղաքացու տարհանում։
Երկու տուժած հոսպիտալացվել է «Հերացի» թիվ 1 հիվանդանոցային համալիր․ տուժած Սվետլանա Ս․-ն (ծնված 1949 թ․) այժմ գտնվում է հետազոտման փուլում, բժիշկները նրա առողջական վիճակը գնահատում են միջին ծանրության, իսկ մյուս տուժածինը (արական սեռի, մոտ 50 տարեկան)՝ ծայրահեղ ծանր:-0-
Կնոջ քրոջը սպանած և ինքնասպան եղած տղամարդը թողել է թղթապանակ, որում եղել է ձեռագիր գրառում՝ կնոջ քրոջը սպանելու շարժառիթի վերաբերյալ․ ՄԱՆՐԱՄԱՍՆԵՐ. ՖՈՏՈ
