ԵՐԵՎԱՆ, 18 հունիսի./Նովոստի-Արմենիա/. Արտակարգ պատահար է տեղի ունեցել այսօր Երևանում, հաղորդում է ՀՀ ԱԻՆ Փրկարար ծառայությունը:
ժամը 12։43-ին Ճգնաժամային կառավարման ազգային կենտրոն տեղեկություն է ստացվել, որ Երևանի Արին Բերդի թիվ 3/6 հասցեում տեղի է ունեցել պայթյուն։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ «Վելլար Գրուպ» ՍՊԸ-ի տարածքում տեղի է ունեցել պայթյուն, ինչի հետևանքով Գ․ Կ․-ն (ծնված 1957թ.) մահացել է, իսկ Գ․ Ս․-ն (ծնված 1958 թ.), մինչ փրկարարների կանչի վայր հասնելը, տեղափոխվել է հիվանդանոց», - նշվում է գերատեսչության հաղորդագրության մեջ:
Փրկարարները հետախուզել են տարածքը. փլուզման և հրդեհի նշաններ չեն հայտնաբերել:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում