Երևանում կանխվել է 32–ամյա տղամարդու ինքնասպանության փորձը. կադրեր դեպքի վայրից (ՎԻԴԵՈ)
17:08
07 Օգոստոսի 2020
ԵՐԵՎԱՆ, 7 օգոստոսի./Նովոստի–Արմենիա/. Այսօր՝ օգոստոսի 7-ին, արտակարգ դեպք է տեղի ունեցել Երևանում։
Загружается новость ... "Лево"
Shamshyan.com–ի հաղորդմամբ, ժամը 13։05-ի սահմաններում Արտակարգ իրավիճակների նախարարության փրկարար ծառայության ճգնաժամային կառավարման ազգային կենտրոն և ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ մի քաղաքացի անցել է Դավիթաշեն կամրջի վտանգավոր եզրագիծը և սպառնում է ցած նետվել։
Փրկարարները, ոստիկաններն ու բժիշկները կարողացել են կանխել այդ քաղաքացու ինքնասպանության փորձը, ով տեղափոխվել է ոստիկանության Մաշտոցի բաժին։
Կայքի տեղեկություններով՝ նա Երևանի բնակիչ՝ 32-ամյա Մանթաշ Ա-ն։ Փաստի առթիվ նյութեր են նախապատրաստվում։–0–