Երևանում հրդեհի հետևանքով 72–ամյա քաղաքացի է մահացել, տուժածների վիճակը ծանր է (ՖՈՏՈ)

ԵՐԵՎԱՆ, 14 փետրվարի./Նովոստի–Արմենիա/. Երևանում հրդեհի հետևանքով մարդ է մահացել։

Ինչպես հաղորդում է Փրկարար ծառայությունը, փետրվարի 13-ին, ժամը 23։11-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Ազատամարտիկների փողոցի 3-րդ նրբանցքի տներից մեկում։



Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Ճգնաժամային կառավարման ազգային կենտրոնի օպերատիվ և Հրդեհաշիջման և փրկարարական աշխատանքների կազմակերպման բաժնի հերթապահ խմբերը։
Հրդեհը մեկուսացվել է փետրվարի 14-ին, ժամը 00։06-ին, մարվել՝ 00։43-ին։



Փրկարարները ննջասենյակի հատակին հայտնաբերել են քաղաքացի Օ․ Մ․-ի (ծնված 1951 թ․) դին, իսկ տուժածներ Վ․ Մ․-ն և Վ․ Մ․-ն հոսպիտալացվել են «Էրեբունի» ԲԿ, որտեղ բժիշկները նրանց առողջական վիճակը գնահատել են ծանր։ Այրվել է ննջասենյակը՝ գույքով (մոտ 30 քմ)։