Երևանում ԳԱԶել է այրվել

ԵՐԵՎԱՆ, 21 դեկտեմբերի./Նովոստի–Արմենիա/. Երևանում գիշերը «ԳԱԶել» մակնիշի ավտոմեքենա է այրվել։

Ինչպես հաղորդում է ՀՀ ԱԻՆ Փրկարար ծառայությունը, դեկտեմբերի 21-ին, ժամը 04:09-ին Ճգնաժամային կառավարման ազգային կենտրոն ահազանգ է ստացվել, որ Երևանի Հովսեփյան և Արարատյան փողոցների խաչմերուկում այրվում է «ԳԱԶել» մակնիշի ավտոմեքենա։

«Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ», – նշվում է գերատեսչության հաղորդագրության մեջ։

Պարզվել է, որ հրդեհը բռնկվել է Արարատյան փողոցի տներից մեկի բակում։

Հրդեհը մեկուսացվել է ժամը 04։34-ին, մարվել՝ 05։06-ին։ Այրվել են «ԳԱԶել» մակնիշի ավտոմեքենան, բակում գտնվող խորդանոցի տանիքի փայտյա կառուցատարրերը (10 քմ), և ջերմահարվել՝ կից կայանած «ՎԱԶ-2102» մակնիշի ավտոմեքենան։–0–