ԵՐԵՎԱՆ, 16 ապրիլի./Նովոստի–Արմենիա/. Այսօր Երևանում 71–ամյա քաղաքացին վրաերթի է ենթարկվել ու աստիճաններով գլորվելով` հայտնվել շենքի առաջին հարկում գտնվող նկուղը։
Загружается новость ... "Лево"
ՀՀ ԱԻՆ Փրկարար ծառայության հաղորդմամբ, ապրիլի 16-ին, ժամը 12:21-ին 911 ծառայությանն ահազանգ է ստացվել, որ Երևան քաղաքի Գարեգին Նժդեհի փողոցի թիվ 21 շենքի մոտակայքում տեղի է ունեցել ՃՏՊ, քաղաքացին վրաերթի է ենթարկվել և հայտնվել շենքի նկուղային հարկում, անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
ՄՊարզվել է, որ Mitsubishi Lancer մակնիշի ավտոմեքենան դուրս է եկել ճանապարհի երթևեկելի հատվածից և վրաերթի ենթարկել քաղաքացի Ս.Հ.-ին (ծնված 1948 թ.): Վերջինս աստիճաններով գլորվել և ընկել է շենքի առաջին հարկում գտնվող նկուղը», – նշվում է գերատեսչության հաղորդագրության մեջ։
Փրկարարները քաղաքացուն դուրս են բերել նկուղից և պատգարակով մոտեցրել շտապօգնության ավտոմեքենային: Ս.Հ.-ն հոսպիտալացվել է «Էրեբունի» ԲԿ:–0–