Երևանում 2 ՎԱԶ է բախվել. տուժածը հոսպիտալացվել է (ՎԻԴԵՈ)
12:00
26 Նոյեմբերի 2019
ԵՐԵՎԱՆ, 26 նոյեմբերի./Նովոստի–Արմենիա/. Նախօրեին երեկոյան խոշոր ավտովթար է տեղի ունեցել Երևանում, հաղորդում է ՀՀ ԱԻՆ Փրկարար ծառայությունը։
Մասնավորապես, նոյեմբերի 25-ին, ժամը 20:11-ին «911» ծառայություն ահազանգ է ստացվել, որ Երևանի Մայակ թաղամասի 7-րդ շենքի մոտակայքում տեղի է ունեցել ՃՏՊ, կա արգելափակված քաղաքացի:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Загружается новость ... "Лево"
Պարզվել է, որ բախվել են «ՎԱԶ-2121» (վարորդի տվյալները չի հաջողվել պարզել) և «ՎԱԶ-2107» (վարորդ՝ Գևորգ Ս., ծնված 1993 թ.) մակնիշների ավտոմեքենաները:
Մինչ փրկարարների՝ կանչի վայր հասնելը Գևորգ Ս.-ն տարբեր աստիճանի մարմնական վնասվածքներով հոսպիտալացվել է «Սուրբ Գրիգոր Լուսավորիչ» ԲԿ, որտեղ բժիշկները տուժածի առողջական վիճակը գնահատել են բավարար: