Երևանի շենքերից մեկում գազի հաշվիչներ են այրվել

ԵՐԵՎԱՆ, 4  մայիսի./Նովոստի–Արմենիա/. Մայիսի 3-ին, ժամը 19:37-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Բագրատունյաց պողոտայի թիվ 17 շենքի 2-րդ հարկում, հաղորդում է ՀՀ ԱԻՆ Փրկարար ծառայությունը:

«Պարզվել է, որ թիվ 17 շենքի 8-րդ մուտքում այրվում են գազի հաշվիչներ», – նշվում է գերատեսչության հաղորդագրության մեջ:

Հրդեհը մեկուսացվել է ժամը 19:52-ին, մարվել՝ 20:02-ին: Մեկ գազի հաշվիչ այրվել է ամբողջությամբ, մյուսը՝ մասամբ:–0–