Երևանի կենտրոնում կրակոցներ են հնչել

ԵՐԵՎԱՆ, 1 օգոստոսի./Նովոստի-Արմենիա/. Նախօրեին՝ հուլիսի 31-ին, կրակոցներ են հնչել Երևանում:

Shamshyan.com-ի հաղորդմամբ, ժամը 15։00-ի սահմաններում ոստիկանության կենտրոնական բաժին ահազանգ է ստացվել, որ Իսահակյան 12 հասցեում կրակոցներ են հնչել։

Ոստիկանները դեպքի վայրում հայտնաբերել են ատրճանակից արձակված կրակված պարկուճներ, փայտե մահակներ, կայանված վիճակում գտնվող Volkswagen և Nissan Tiida մակնիշի ավտոմեքենաներ։

Ստեղծվել է քննչական խումբ, դեպքի փաստով վարույթ է նախաձեռնվել։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։-0-