ԵՐԵՎԱՆ, 24 հունվարի./Նովոստի–Արմենիա/. Երևան քաղաքի Դեմիրճյան փողոցով անցնող ստորգետնյա գազատարից տեղի է ունեցել արտահոսք, հաղորդում է «Գազպրոմ Արմենիա» ՓԲԸ-ն։
«Հետագա անկանխատեսելի հետևանքներից խուսափելու նպատակով հունվարի 24-ին ժամը 01։30-ից դադարեցվել է գազամատակարարումը նշված գազատարով։ Իրականացվում են վթարավերականգնման աշխատանքներ, որոնց ավարտի և գազաթողարկման ժամկետի մասին լրացուցիչ կտեղեկացվի», – նշվում է ընկերության հայտարարության մեջ։
Այսօր ավելի վաղ ընկերությունից հայտնել են, որ վթարավերականգնման աշխատանքներ իրականացնելու նպատակով հունվարի 24-ին ժամը 01:30-ից դադարեցվել է Երևան քաղաքի Կենտրոն և Արաբկիր վարչական շրջանների Սարյան փողոցի թիվ 2-ից 20 (զույգերը) բազմաբնակարան շենքերի, Մոսկովյան փողոցի թիվ 20-ից 36 բազմաբնակարան շենքերի, Դեմիրճյան փողոցի, Ֆրիկի փողոցի թիվ 10 բազմաբնակարան շենքի, Արամի նրբանցքի, Ալիխանյան փողոցի, Բաղրամյան պողոտայի թիվ 1-ից 23 և թիվ 2-ից 50բ բազմաբնակարան շենքերի, Թամանյան փողոցի թիվ 1, 3 բազմաբնակարան շենքերի, Զառուբյան, Անտառային, Սարմենի, Ջրաշատ, Ս․Կապուտիկայն, Լեռ Կամսար, Սոսեի, Գ.Հարությունյան փողոցների, Վաղարշյան փողոցի թիվ 2, 4 բազմաբնակարան շենքերի, Պռոշյան փողոցի, Պռոշյան 1-ին նրբանցքի, «Կոզեռն» թաղամասի և հարակից տարբեր նշանակության հանրային օբյեկտների և հաստատությունների գազասպառողների գազամատակարարումը:
Հիշեցնենք, որ նախօրեին հրդեհի բռնկմամբ
պայթյուն էր տեղի ունեցել Երևանի Տիչինայի փողոցի տներից մեկում։ Ավելի ուշ «Գազպրոմ Արմենիա»–ից հայտնեցին, որ Երևան քաղաքի Մալաթիա-Սեբաստիա վարչական շրջանի Տիչինայի փողոցով անցնող ստորգետնյա միջին ճնշման գազատարից տեղի է ունեցել արտահոսք, որի արդյունքում հարակից առանձնատներում առաջացել է գազաօդային պայթյունավտանգ խարնուրդի կուտակում և տեղի է ունեցել պայթյուն։ Նշված գազատարով դադարեցվել է գազամատակարարումը՝ արտահոսքի տեղը հայտնաբերելու և հետագա վթարավերականգնման աշխատանքներն իրականացնելու նպատակով։–0–
