Երևանի հյուրանոցներից մեկում հրդեհ է բռնկվել

ԵՐԵՎԱՆ, 24 ապրիլի, /Նովոստի-Արմենիա/․ Ապրիլի 23-ին, ժամը 17:40-ին Ճգնաժամային կառավարման ազգային կենտրոն ահազանգ է ստացվել, որ Երևանի Մյասնիկյան պողոտայում գտնվող «Ռիցար» հյուրանոցի ենթակայանում առկա է էլեկտրական լարերի կարճ միացում՝ հրդեհի բռնկմամբ և գազի արտահոսք: Այս մասին հայտնում է ԱԻՆ-ի մամուլի ծառայությունը։

Պարզվել է, որ հրդեհը բռնկվել է հյուրանոցին կից կաթսայատանը (25 քմ):

Հրդեհը մեկուսացվել է ժամը 17:54-ին, մարվել՝ 18:06-ին: Ամբողջությամբ այրվել են մեկ բազմոց, երկու աթոռ և կենցաղային իրեր:-0-