Երևանի գազալցակայաններից մեկում հրդեհ է բռնկվել, դեպքի վայր է մեկնել 4 մարտական հաշվարկ
31.01.2025,
13:06
Հրշեջները ժամուկես պայքարել են կրակի դեմ
ԵՐԵՎԱՆ, 31 հունվարի․/Նովոստի–Արմենիա/․ Հունվարի 31-ին, ժամը 05։09-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Ռուբինյանց փողոցում գտնվող գազալցակայաններից մեկում, հաղորդում է ՀՀ Փրկարար ծառայությունը։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային կառավարման ազգային կենտրոնի օպերատիվ խմբերը: Հրդեհը մեկուսացվել է ժամը 05:41-ին, մարվել՝ 06:10-ին:
Այրվել են գազալցակայանի տանիքի փայտե կառուցատարրերը (մոտ 20 գմ) և էլեկտրական լարեր (մոտ 5 գմ):
Պատճենել հղումը
