Երևանի դպրոցում ռումբի տեղադրման մասին ահազանգի հետքերով. ԱԻՆ–ը թարմ տեղեկություն է հայտնել (ՖՈՏՈ)

ԵՐԵՎԱՆ, 9 մարտի./Նովոստի–Արմենիա/. Երևանի Տ. Շևչենկոյի անվան դպրոցում տեղազննման արդյունքում վտանգավոր ոչինչ չի հայտնաբերվել:



Այս մասին հայտնում է ՀՀ ԱԻՆ Փրկարար ծառայությունը։

Ինչպես հաղորդել էինք ավելի վաղ, այսօր ժամը 10:06-ին Ճգնաժամային կառավարման ազգային կենտրոն ահազանգ է ստացվել, որ Երևանի Տ. Շևչենկոյի անվան դպրոցում ռումբ կա տեղադրված։



«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի հրշեջ-փրկարարական և ինժեներական ջոկատի հերթապահ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խմբերը», – նշվում է գերատեսչության հաղորդագրության մեջ:–0–